Сәхәүетдинов, В. Г.
Күңелде байытҡан, рухты күтәргән, уй-хистәргә йәм өҫтәгән китап менән танышыу тәжрибәле, аҡыллы, фәһем алырлыҡ кеше менән аралашыуға тиң. Бынан һуң йөрәктә дәрт ҡайнай, хыялдар ҡанатлана, эшкә ынтылыш көсәйә, ижадҡа илһам арта, йәшәйһе килә. Яңы авторҙың китабында һүрәтләнгән кешеләр төрлө һөнәр эйәләре, холоҡтары, ҡылыҡтары ла төрлө. Шулай ҙа уларҙағы кешелеклелек, кеселеклелек, тормошта һирәк була торған тоғролоҡ, дуҫлыҡ, ихтирам хистәре уҡыусының эске донъяһын байыта.