Абдрахманов, Р.У.

Уҡыусылар иғтибарына тәҡдим ителгән «Бөрйән изгеләре» китабының инешендә бөрйәндәрҙең этногенезы, башҡорттарҙың Исламды ҡабул итеүе, Бөрйән ерлегендәге дин тарихы сағылыш таба.

Бөрйән районы ауылдарының ҡыҫҡаса тарихын архив мәғлүмәттәренә, башҡа сығанаҡтарға таянып, шул ауылдарҙа ҡасан мәсет, мәҙрәсәләр асылғанлығы, халыҡ иҫәбе лә бирелә. Нәҡшбәндиә тәриҡәтен донъяға ашырыусы изге руханиҙар, имам-хатип һ.б. дин әһелдәре совет заманында золом ҡорбандары булып, иркенән, ғүмерҙәренән мәхрүм ителеүе тураһында китаптың артабанғы өс киҫемдән торған өлөштәрендә яҙыла.

Китап, бөгөнгө Бөрйән моҙафатына ҡараған ерлектәге дин тарихы белешмәһе булараҡ, тарихсыларға, дин әһелдәренә, талиптарға һәм киң ҡатлам уҡыусыларына тәғәйенләнә.